梨滿園韓國料理 (已結業)

韓風大熱，許多以地道裝修的韓國菜館出現。有時質素真係一般般。今次朋友叫去試，雖然唔係地道韓國裝修，有點似港式的韓國料理，但郤十分美味。韓式料理，梗係唔少得泡菜。呢度呢泡菜唔會太辣，極易入口，火速被我地消滅。 上面果隻泡菜係現制泡菜，我地既理解係無浸咁耐，食落爽脆好多，幾特別。我最愛飲出晒煙既野，所以一見到佢有晒泡泡咁上台，即時心心眼。大醬湯即係韓國麵豉煮既湯，我地要左海鮮味。呢碗湯超好味，唔太咸，同海鮮同夾，飲完仲唔會口乾。推介!!!!!唔想太熱氣，我地點左2樣熟食，牛肋骨起入味，一夾起已經骨肉分離，可見煮得極淋。肉汁甜甜的，配白飯一流。朋友不愛辣，唯有食走辣的年糕。幸好，味道不錯，年糕軟硬適中，唔會咬到牙痛。呢度好處係可以一邊食熟食，一邊韓燒。我地選左無醃的肩背肉，總覺得要吃出真正的肉味，是要吃無醃的。肩背肉脂肪平均，燒熟後口感柔軟，口腔充滿牛肉的味道。配上韓式辣醬及生菜，可以解解油膩感。同行還有海鮮控，所以又點了一個拼盤。拼盤有蝦、帶子及尤魚，味道也不錯，但肩背肉更出色。