陳六記飯店

营业中

休息中

上水由於鄰近深圳，受水貨需求嘅影響最顯著。走在寶石湖路上，人滿為患，兩旁唔係藥房就係金舖。百佳超市外企滿晒嚟買港貨嘅人，好多都打開晒個喼喺到執貨。縱使去到遠處嘅上水工業村，亦變成一個個水貨倉同批發場，鋪天蓋地聽唔到普通話以外嘅語言。要搵嘢食，就要喺地膽朋友嘅帶領下避開大街，轉入後巷，到達呢間碩果僅存嘅燒肉殿堂。呢度必叫嘅炭燒五層樓（即係五花腩），例牌同兩碟碟頭飯差不多份量，所以碟頭飯會抵食啲。肉質非常鬆化，豬皮夠脆，依然係非常高水準。