一次裝一大筒鮑魚，蝦，蜆，蟹想要邊隻就邊隻。
海鮮夠新鮮，蝦肉爽口彈牙。鮑魚同樣爽口彈牙。蟹同蜆鮮味十足。
仲有椰皇清甜好味道，入口透心涼。仲有燒榴槤，榴槤愛好者就真係非常岩晒，又香又甜。
醬料區，蒜蓉，蔥，辣椒，XO醬，麻油，醬油都應有盡有。
菜種類都好多，同埋菜都夠新鮮。今日點左蕃茄湯底，蕃茄湯底夠香濃。用蕃茄湯底混入菜去煮真係提昇不少。
生果龍眼，南華梨，西瓜，哈密瓜都好清甜好味道。
出前一丁，烏冬，寬粉都有好多可以選擇。
飲品櫃啤酒係喜力，青島，仲有IF椰子水，加多寶，維他奶，道地各種菜飲，雪碧可樂少不了。飲品算好多選擇。
熟食都有小龍蝦，燒蠔，蝦，炸魚，腸仔，燒豬脾都好好味道，仲有大閘蟹，豬手都好入味同夠淋。
丸類同樣夠多種類。
甜品雪糕，雪條都係好好食。
另外點左魚皮餃，蝦滑，西班牙五花腩片，海參，烏魚片，鯧魚，黃鱔都夠新鮮好味道。
