麦玉子 (已結業)

前排去觀塘apm買野，知道入面有間食日本玉子燒好出名嘅叫麥玉子，就走入去試下。order咗佢哋嘅新出品櫻花蝦叉燒豬骨湯烏冬、和風豚肉野菜炒定食，當然招牌菜玉子燒一定要叫，落咗櫻花蝦玉子燒。櫻花蝦叉燒豬骨湯烏冬入面嘅叉燒有五大塊，同埋超入味超好食，烏冬上面都鋪滿咗滿滿嘅櫻花蝦，豬骨湯底提升晒成碗烏冬鏡層次同味道超好味，而另外野菜炒豚肉炒得好香，椰菜好新鮮好爽口豚肉亦都好冧，配埋個飯食一流，最後個主角，櫻花蝦玉子燒就超有蛋香而且卷得層次分明，每一啖亦都有櫻花蝦嘅味道，絕對值得推介。 另外呢度都有好多日本直送嘅飲品，我揀咗鹽味汽水同埋柚子汽水，兩個味都好特別，冇乜地方有鹽味同埋柚子汽水飲，好fresh好正！