阿爺燒鵝餐室 (已結業)

反正去到西灣河，就係呢度買埋呢度馳名嘅燒鵝返屋企孝敬家人。呢間阿爺燒鵝餐室喺西灣河都幾出名。知道阿媽未食晚餐，咁我就買咗一碗燒鵝瀨（$50）比佢。另外買咗$60燒叉骨同埋$40嘅油雞。呢度非常之好服務，燒鵝瀨個湯同埋啲粉係分開裝嘅，所以啲粉唔會浸係湯到發漲晒。燒鵝係髀位，肉質嫩滑，仲漂來陣陣煙熏味。一打開盒燒叉骨，啲蜜糖香味即刻漂晒出嚟，個樣燒得好靚，望到都流晒口水。呢盒油雞性價比都幾高， $40來講真係超大盒，係下莊所以都係非常鮮嫩嘅雞髀。