新齋橋 (已結業)

新齋橋觀塘駿業街58號電訊數碼大樓1樓餐廳好大，想食壽司刺身又得，想食燒肉又得！餐廳好有日本風情，門口就大大隻日式貓貓迎接，入面環境寬敞，座位闊落，一人燒又得，坐長枱多人燒又得，仲有廂房包房gathering都得添！環境都幾乾淨，無乜油膩油煙感。QR code點餐，枱既櫃桶貼心有齊餐具、紙巾、濕紙巾，又有自助茶水供應，周全細心。燒肉套餐想食牛或雞或豬都有。每個套餐包白飯、味噌湯、野菜沙律。🥩極上牛小排油花好靚，燒落去已經聞到好香，肉味算濃，肉質嫩滑。🐮👅牛舌芯每片口感爽軟鮮嫩，彈牙，又有嚼勁抵食燒肉之選。