阿里郎熱狗棒 (已結業)

最近疫情又再次爆發，晚上無得堂食，一早約左友人食飯，唯有買外賣，友人屋企附近有一間叫阿里朗熱狗棒 Arirang Hot Dog的店舖，被吸引住，買d同友人分享。這裡主打熱狗，我選了一個任點四款熱狗套餐，揀左薯條鴛鴦芝腸，車打芝士，雙重芝士拉絲和鴛鴦芝腸。熱狗即叫即整，外層脆身，內裡有吾少芝士，芝士愛好者必食。也試了加糖食，甜甜地，另有一番風味。當中最吸引係薯條鴛鴦芝腸，外層沾滿薯粒，內裡有芝士，香腸，多種口感。另外，試了魷魚味魚糕棒和燒牛肉味魚糕棒。賣相幾精緻，口感幾彈牙，啱我口味。芝士球，充滿濃濃芝士，而年糕串夠煙韌。