「本地薑」素食店 (已結業)

原來藍屋有隱世美食，仲要係社企朋友介紹去藍屋食素，我起初以為貴價餐廳，原來係親民社企。叫左個哨子麵，蕃茄湯底，飲左湯頭吾口渴，係不加味精嘅原因。麵質地似油面，有嚼勁，有素魚片，爽口，仲要不同切粒蔬菜，（吾係雜豆）雞蛋片，味道開胃清新朋友叫左雜菌煮豆腐配紅糙米飯，口味清淡而不寡，個汁又不太稠隨餐送枝豆同山楂雪梨水，酸酸甜甜，醒神！我地仲加15蚊要左個雪耳甘筍湯，真材實料，清潤，抵啱晒懶煲湯嘅人咁豐富，咁高質，加埋吾洗$100，係灣仔吾多。食得飽，仲係光顧社企，身心都滿足