火鳳凰火鍋料理 (已結業)

天氣凍凍地梗係最好試吓火鍋店喺旺角站落車之後行過嚟太平道都只係7分鐘左右，非常方便，入到去見到餐牌啲湯底名真係非常特別火鍋最重要梗係個湯底，今日我揀咗霸王藏嬌，入面有半隻雞（南瓜三黃雞），$288，黃油雞加南瓜湯底，湯底滾咗之後，職員建議飲啖湯先，熱辣辣非常鮮甜入面仲有蟲草王，紅棗飲完湯都唔覺得口渴，就證明完全冇加任何味精，雞嘅份量非常多肉質又好滑完全唔需要點任何嘅豉油同調味料都覺得好好食叫咗一份唐生菜$28，感覺到菜洗得非常乾淨，而且仲非常新鮮夠晒爽口菜嘅顏色仲非常嫩綠叫咗豆腐，豆腐本身沒有什麼味道，但經過湯底之後，識落真係與別不同，夠晒香滑，仲有黃豆嘅味道點了一個8吋長脆皮鵝腸，$88眼看這個鵝腸10分美味，有一層鵝膏，烚熟得剛剛好，原條放入口，在口腔慢慢咀嚼，鵝腸爽脆越嚼越甘香，很新鮮。點了一個自家製的響鈴，$88，外表炸到金黃色，秘訣是將響鈴一放入煲，就可以撈起食得，這樣的口感表面軟林林，而內裏又帶一點脆口，雙重感覺。點了一個蝦兵遇上老油條，$48，就是油炸鬼加墨魚滑和蟹子，油炸鬼炸到卜卜趣，墨魚滑彈牙有口感，和表面的蟹子一齊食，出奇地好味，而且有多重口感，我很喜歡。