漁吉海鮮丼專門店 (已結業)

各國旅遊逐漸開放，好多香港人歸心似箭返鄉下（日本），雖然本人今年未能去日本， 只可以喺香港食住個海鮮丼，慰藉心靈。突然想起觀塘工廠區，有一間隱世漁吉海鮮丼專門店。我們order了 北海帆立海老丼和另一個北海帆立丼配三文魚籽和海膽，並且即時製作，食材顏色繽紛，即時食慾大增，又大大碗碗，好滿足。北海帆立海老丼，大大隻牡丹蝦、赤蝦和甜蝦。味道鮮甜脆口，凡立貝微微燒過，咬落去大大片厚身清甜。配上清檸，即時提升咗食材味道，真正係perfect match，還有配上一件厚玉子，好滿足、好飽，食材是新鮮直送。北海帆立丼配三文魚籽和海膽：大大片帆立貝和海膽微微燒過，食材新鮮好鮮味，三文魚籽大大粒，好爽口，丼飯微微煙韌，有口感。丼飯還配上青檸檬和玉子，食材鮮味提升不少，份量十足好滿足。整體嚟講，舖頭細細，員工服務態度誠懇，環境乾淨企理，廁所十分整潔。