海景海鮮酒家

营业中

休息中

又是一家人飯聚的好日子。今次去鯉魚門食海鮮。黎海景食過好幾次，一直由朋友拍板話事。今次由我作主，要左老闆娘推薦的基本餐，再加左當造的大蟹。黃金蝦先上場。炸得金黃，蛋黃甘香十足，海蝦都頗大件，件數不少。見到隔離枱要左白灼蝦，蝦雖然比較細隻，但份量更多，而且肉質結實，一遍橙紅，睇上去非常新鮮。下次要試試。鼓汁炒蟶子。蟶子大隻無沙，有鑊氣。豆鼓味香，味道適中，唔會過咸，大㕑果然經驗十足。蒜蓉粉絲蒸元貝。新鮮元貝鋪滿爆炒果嘅蒜蓉，配上粉絲，香甜嫩滑。清蒸鮑魚。鮑魚新鮮，一般水準，不太特別。蒸海魚。好大條，無養魚味。火候啱啱好，唔會過老或者唔熟。芝士龍蝦伊麵。橙黃色一大盤，每人有半隻龍蝦，肉質彈牙，香口有芝士味，配伊麵底唔錯。加點阿拉斯加蟹。大大隻，清蒸凍食。肉質飽滿，啖啖蟹肉鮮甜好味道！海鮮餐仲有魚湯丶咕嚕肉丶青菜丶炒飯丶炸饅頭丶果盤丶桂花糕。即炸饅頭外脆內軟配上煉奶，雖然已飽，但仍然食下去。桂花糕香軟，糕底有一層桂花，桂花味清香，食不完也要打包回家。