影片
更多
2021-07-29
45 浏览
男朋友知道我最鐘意食日本餐，就係網上搵到呢間主打燒海鮮日本餐廳，而餐廳裝修好有日本風格，就感覺飛左日本一轉甘！北海漁港二人前套餐（$488/位）河豚魚干：魚干燒到軟硬岩岩好，熱熱地配上沙律醬好滋味！清酒昆布大蜆煮：蜆肉好肥美大隻，湯底好鮮甜，入口後蜆肉散發住陣陣清酒味！兵庫縣直送播磨蠔：生蠔好大好新鮮， 燒完出黎都唔會好縮水，入口甘甜，唔會腥！北海道帆立貝：帶子好重牛油蒜蓉味，超香口鬆軟，加入大蔥令到口感提升！青森殘酷網鮑：聽佢個名就知鮑魚係仲生的，超級新鮮，開始燒的時候仲郁緊，而口感亦好爽口彈牙！人氣蟹味增甲羅燒：蟹蓋入面放上滿滿的蟹膏，對於超鐘意食蟹膏的我真係爽歪歪，蟹膏味道超濃郁，好滿足！九洲松葉蟹：鐘意大大啖肉甘食既我有少許失望因為主要係比蟹腳，蟹肉不過不失但都算在幾鮮甜！京都鰻魚茶漬飯：飯團會事先燒香再加入湯，燒過的飯團帶有小小焦香味，再配上鰻魚好出色！最後上埋甜品雪糕， 好飽好滿足，大推比大家！
男朋友知道我最鐘意食日本餐，就係網上搵到呢間主打燒海鮮日本餐廳，而餐廳裝修好有日本風格，就感覺飛左日本一轉甘！
北海漁港二人前套餐（$488/位）
河豚魚干：魚干燒到軟硬岩岩好，熱熱地配上沙律醬好滋味！
清酒昆布大蜆煮：蜆肉好肥美大隻，湯底好鮮甜，入口後蜆肉散發住陣陣清酒味！
兵庫縣直送播磨蠔：生蠔好大好新鮮， 燒完出黎都唔會好縮水，入口甘甜，唔會腥！
北海道帆立貝：帶子好重牛油蒜蓉味，超香口鬆軟，加入大蔥令到口感提升！
青森殘酷網鮑：聽佢個名就知鮑魚係仲生的，超級新鮮，開始燒的時候仲郁緊，而口感亦好爽口彈牙！
人氣蟹味增甲羅燒：蟹蓋入面放上滿滿的蟹膏，對於超鐘意食蟹膏的我真係爽歪歪，蟹膏味道超濃郁，好滿足！
九洲松葉蟹：鐘意大大啖肉甘食既我有少許失望因為主要係比蟹腳，蟹肉不過不失但都算在幾鮮甜！
京都鰻魚茶漬飯：飯團會事先燒香再加入湯，燒過的飯團帶有小小焦香味，再配上鰻魚好出色！
最後上埋甜品雪糕， 好飽好滿足，大推比大家！
张贴
