影片
更多
2019-04-15
76 浏览
呢一間位於尖沙咀天文台圍嘅日本《秋田浜燒食堂》 專食日本直送嘅水產， 除咗刺身食法之餘，亦提供咗浜燒。 浜燒嘅意思即係將新鮮釣到嘅海產即釣即燒， 保證食到個中嘅鮮和甜。餐廳裝修充滿和風， 唔講嘅話仲以為去咗日本走番轉。呢間餐廳最出名就係一手捉赤蝦遊戲， 只要你隻手夠大，一手攞到幾多隻蝦就係屬於你了。同行朋友手掌夠大， 一手捉到八隻赤蝦， 輕易成為當晚浜燒的海鮮之一。 赤蝦大大隻， 雖然唔識跳跳紮（ 如果跳跳紮的話捉起來都頗嚇人）， 但食落都尚算新鮮，以有得食有得玩黎講， 絕對收貨。今次食咗《京都二人前》，$498一位， 裏面包含咗前菜、刺身、燒海鮮、主食以及甜品。 以尖沙咀嚟講， 價錢相當公道。前菜小吃係雞泡魚乾， 雞泡魚乾食落暖笠笠，帶有魚乾嘅鮮和甜， 係一個非常好嘅佐酒小吃。刺身拼盤包含咗五種刺身， 有三文魚、油甘魚、章紅魚和甜蝦。 每款刺身都相當新鮮， 皆因廚師選取咗當天最當造嘅食材， 三文魚肥美， 油甘魚味道鮮甜， 章紅魚口感爽滑。如果唔識燒海鮮嘅話店員亦樂意出手相助，第一樣海鮮係青森網鮑， 燒鮑魚睇落帶點殘酷，皆因將生猛嘅鮑魚放喺網上燒， 鮑魚size相當大， 而且亦非常厚肉
餐廳裝修充滿和風， 唔講嘅話仲以為去咗日本走番轉。
呢間餐廳最出名就係一手捉赤蝦遊戲， 只要你隻手夠大，一手攞到幾多隻蝦就係屬於你了。
同行朋友手掌夠大， 一手捉到八隻赤蝦， 輕易成為當晚浜燒的海鮮之一。 赤蝦大大隻， 雖然唔識跳跳紮（ 如果跳跳紮的話捉起來都頗嚇人）， 但食落都尚算新鮮，以有得食有得玩黎講， 絕對收貨。
今次食咗《京都二人前》，$498一位， 裏面包含咗前菜、刺身、燒海鮮、主食以及甜品。 以尖沙咀嚟講， 價錢相當公道。
前菜小吃係雞泡魚乾， 雞泡魚乾食落暖笠笠，帶有魚乾嘅鮮和甜， 係一個非常好嘅佐酒小吃。
刺身拼盤包含咗五種刺身， 有三文魚、油甘魚、章紅魚和甜蝦。 每款刺身都相當新鮮， 皆因廚師選取咗當天最當造嘅食材， 三文魚肥美， 油甘魚味道鮮甜， 章紅魚口感爽滑。
如果唔識燒海鮮嘅話店員亦樂意出手相助，
第一樣海鮮係青森網鮑， 燒鮑魚睇落帶點殘酷，皆因將生猛嘅鮑魚放喺網上燒， 鮑魚size相當大， 而且亦非常厚肉。
燒好嘅鮑魚口感彈牙， 夠曬煙煙靭靭， 我最喜歡點柚子胡椒醬， 柚子嘅香氣
可以帶出鮑魚嘅鮮甜，讚。
第二樣海鮮係鮮北寄貝， 北寄貝最出名就係鮮和甜。 用網燒嘅方法可以令北寄貝嘅精華更加濃縮， 味道特別鮮甜， 亦帶有海水嘅鹹鮮味。
蟹味噌甲羅燒可以話係每次食浜燒嘅must點item， 甲羅燒裏面係香濃嘅蟹膏， 味道夠曬甘香， 撈埋蟹肉、香蔥同鵪鶉蛋一齊燒， 可以食到一梳梳嘅蟹肉， 鵪鶉蛋亦令甲羅燒更加滑溜， 每一口甲羅燒都令人回味十足， 難怪成為人氣之選。
澳洲頂級牛肋骨肉牛味香濃，近骨嘅位置牛味就最香， 牛肋骨肉燒起來嘅熟度剛剛好， 帶點juicy又唔乾， 比起海鮮絕對唔會遜色。
最後嘅食事可以選擇京都海鮮湯茶漬飯， 又或者係築地海鮮雜炊。 海鮮湯茶漬飯味道比較清甜， 加入咗脆米增加口感。海鮮雜炊即係海鮮粥，材料豐富，口感綿滑， 加入香蔥更是神來之筆， 整頓晚飯畫上完美句號。
整體而言，呢間餐廳嘅套餐物有所值，難怪吸引咗咁多食客黎支持。
张贴
