泰象館

营业中

休息中

久違嘅夜晚堂食終於放寬，啱晒我哋呢啲夜放工嘅人😎 终于可以同班朋友去九龍城再戰泰國菜🤟🏻🤟🏻今次揀左泰象館，舖頭不大，裝修充滿了泰國嘅風味，有啲去咗旅行嘅感覺！坐低先叫一個柚子沙律開下胃先，柚子份量超級多，配上生菜花生粒等等嘅沙律配料，再加上秘製嘅沙律酸汁，開胃真係不作二選🥰🥰 整完個前菜，煮食我哋就揀咗蛋包鮮蝦金邊粉，炒到香噴噴嘅金邊粉用薄薄嘅蛋皮包住，香到不得了。食嗰陣再將青檸汁淋喺面，增添泰風味😼😼 金邊粉炒到剛剛好，唔會太乾又唔會好濕👍 再加埋個黃咖喱牛肉，食嗰陣可以將啲咖喱汁淋落金邊粉一齊食，風味更佳🥰🥰食完咖喱再整返杯龍眼冰朗下個口🥳🥳🥳 泰國嘅風味返晒嚟