鴻陞泰國菜

营业中

休息中

好耐無食泰國菜，朋友介紹九龍城有新的泰國菜餐廳開張，今晚就同朋友過黎食下。餐廳係城南道，都好易搵，今晚客人唔算太多，坐咗卡位。我地叫咗沙嗲串燒，牛，雞，豬各一串，燒雞翼兩串，沙嗲醬好惹味，燒得多肉汁，肉質嫩滑，咬落煙韌，值得一試。泰式黃咖喱海蝦，份量超多，有4隻大海蝦，入味，肉質彈牙。黃咖喱味道好香濃，係偏甜的咖哩，唔會辣，好欣賞佢有落蛋漿煮，煮得特別滑溜，味道好夾。薄餅即制，煎得香薄，食落煙韌，點咖哩食係絕配。濕炒牛河，醬汁香甜，有好多菜心同菇，食落清新，幼身的河粉好滑溜，吸晒醬汁的味道。飛天通菜，通菜新鮮爽口，炒得入味，有少少鹹香味。泰國式凍奶茶，茶底靚，有泰式奶茶的特別香味，奶的比例都剛好。