18巷泰國餐廳 (已結業)

美味泰北菜 18巷的快樂晚膳是日同哥哥一齊去銅鑼灣買野，講講吓想去食泰國野，本身諗住揸車過九龍城，但係靈機一想就記起早兩個月食過嘅18巷，位置方便環境優美梗係要推薦下俾屋企人呀！今次係食18巷，剛好遇上佢哋推出左新嘅泰北菜，準備要去泰北旅行嘅我當然就要試一試啦！講起去泰北真係未出發先興奮呀。哈！首先我叫左個椰青特飲！呢個真係一定要試嘅！用上新鮮椰汁同埋椰青配合沙冰，清甜可口，解辣美味！冬天飲就真係有點冰，女仔未必個個受得起，但我呀！實在唔怕, 因為真係好正好爽又解渴！之後就試咗佢哋嘅全新菜式你知泰北嘅泰北蕉花大蝦沙律。聽到個名都已經好吸引呀！但係第一次食蕉花唔知係點樣嘅呢！上枱賣相已經好吸引，用大蕉葉盛住沙律，好靚啊，朝花呢其實就係大蕉嘅花，除咗有大蕉花之外仲有一個驚喜嘅材料就係大蕉啦！蕉花呢有點脆口，而大蕉呢就比較腍，兩個一硬一軟口感十足，沙律帶點香辣，惹味可口，大蝦又夠彈牙！第一次食呢一種泰北嘅沙律，感覺特別而且好吸引！當然唔少得就要食一個我必點嘅燒豬肉寸燒配糯米飯啦！呢個又係實力推介，糯米飯煙韌可口，寸燒燒得剛好唔會韌，配上香濃惹味嘅泰式辣汁！令我回想起當年同個朋友去咗泰國玩足十