影片
更多
2020-07-15
50 浏览
食得西餐多，個胃口又少少滯滯地，夏天熱辣辣，一於轉口味去食泰國菜朋友之前食過話新泰唔錯，今次試下尖沙咀分店啦一於，門面有架篤篤車同一啲夏日熱帶樹木，好有泰國嘅感覺，而家去唔到泰國旅行就係到懷緬一下。入到餐廳,服務員安排坐卡位，幾寬敞，坐得都幾舒服。成個環境都充滿著泰國風情，好多侍應都係來自泰國。我地就開始揀野食，選擇都幾多喎~飲品先到，呢款菠蘿沙冰幾好飲不錯好喝，沙冰口感好綿，唔會有一粒粒粗粒嘅口感，入口即溶，菠蘿味道都幾突出。 椰青，好耐都未飲過喇，次次去到泰國一定會飲，味道清甜可口，幾解渴。之後就食蒜蓉包，外層酥脆內鬆軟，蒜蓉味非常之足夠又香，趁熱食就已經好滋味。朋友話食泰國菜當然要叫串燒啦~ 因為佢之前食過話好好食，要番兜再食，的確好正，燒得嫩香又juicy。泰式炒椰菜仔都到左喇~ 味道都幾好味又唔會好油膩，菜苗青綠帶微甜,有鑊氣。燒聖子皇，配料豐富，肉夠哂嫩厚又唔會有沙，好食。蒜蓉炒芥蘭，份量都幾足，蒜蓉好香，芥蘭又唔會有苦澀味，好清新~作為甜品控，晚餐最後當然唔少得食甜品~香芒黑白糯米飯，糯米飯煙煙韌韌又甜甜地，好好食，我自己就覺得黑糯米個味道更加出，而口感都係好唔錯。榴槤炸
朋友之前食過話新泰唔錯，今次試下尖沙咀分店啦一於，門面有架篤篤車同一啲夏日熱帶樹木，好有泰國嘅感覺，而家去唔到泰國旅行就係到懷緬一下。
入到餐廳,服務員安排坐卡位，幾寬敞，坐得都幾舒服。
成個環境都充滿著泰國風情，好多侍應都係來自泰國。
我地就開始揀野食，選擇都幾多喎~
飲品先到，呢款菠蘿沙冰幾好飲不錯好喝，沙冰口感好綿，唔會有一粒粒粗粒嘅口感，入口即溶，菠蘿味道都幾突出。
椰青，好耐都未飲過喇，次次去到泰國一定會飲，味道清甜可口，幾解渴。
之後就食蒜蓉包，外層酥脆內鬆軟，蒜蓉味非常之足夠又香，趁熱食就已經好滋味。
朋友話食泰國菜當然要叫串燒啦~ 因為佢之前食過話好好食，要番兜再食，的確好正，燒得嫩香又juicy。
泰式炒椰菜仔都到左喇~ 味道都幾好味又唔會好油膩，菜苗青綠帶微甜,有鑊氣。
燒聖子皇，配料豐富，肉夠哂嫩厚又唔會有沙，好食。
蒜蓉炒芥蘭，份量都幾足，蒜蓉好香，芥蘭又唔會有苦澀味，好清新~
作為甜品控，晚餐最後當然唔少得食甜品~
香芒黑白糯米飯，糯米飯煙煙韌韌又甜甜地，好好食，我自己就覺得黑糯米個味道更加出，而口感都係好唔錯。
榴槤炸彈併芒果椰汁糯米，白糯米用左斑蘭汁染成綠色，視覺效果無得彈。榴槤炸彈脆卜卜，係流心架~ 所以食果時小心辣親嘴，榴槤味好香又唔會過甜，鍾意食榴槤嘅人係必食架~~
张贴
