影片
更多
2004-12-22
50 浏览
老友係響日本做野的台灣人，一年幾冇見，今次來港開會，因利成便可以聚下舊。由於佢連續幾晚都要食應酬飯，所以之前幾日都係以夜飲為主，中間只帶佢食左一次華南的筋腩麵同雙丸河配炸魚皮。今日係佢離開的日子，總算在走之前可以同佢食番個午飯，就想帶佢試下佢從未聽/食過的蝦子柚皮。多得食友KC幫忙，臨急臨忙都可以訂倒蝦子柚皮，而且重幫我地點埋菜，在此亦代我個老友多謝KC的安排。兩個女仔都叫左好多野，包括：蝦子柚皮、菠蘿咕嚕肉、沙爹牛肉炒腸粉、鼓油雞同豆醬炒生菜。蝦子柚皮水準依舊，柚皮夠厚身，浸在充滿蝦子鹹香而唔會太杰身的獻汁裡，無論賣相同味道都是無可挑剔。老友第一次食，覺得好新奇，亦好鍾意D汁。兩個人叫左一碗白飯，將D汁一掃而清。菠蘿咕嚕肉顏色好深，賣相唔錯，而且係有菠蘿的，咕嚕肉肥瘦適中，不過略嫌唔夠脆口，個人仍然認為係港大校友會勝一籌。沙爹牛肉炒腸粉係另一味非常出色的食品。上次同食友們黎食蛇時試過，覺得味道略鹹，今次卻係味道恰到好處，腸粉夠滑夠實淨，配上幾重胡椒味的沙爹汁，真係好好味。鼓油雞比較瘦小，但皮下脂肪卻是不少，肉質都算滑同有雞味，不過鼓油香就唔多覺，普通而已。豆醬炒生菜係不過不失，生菜夠
蝦子柚皮水準依舊，柚皮夠厚身，浸在充滿蝦子鹹香而唔會太杰身的獻汁裡，無論賣相同味道都是無可挑剔。老友第一次食，覺得好新奇，亦好鍾意D汁。兩個人叫左一碗白飯，將D汁一掃而清。菠蘿咕嚕肉顏色好深，賣相唔錯，而且係有菠蘿的，咕嚕肉肥瘦適中，不過略嫌唔夠脆口，個人仍然認為係港大校友會勝一籌。沙爹牛肉炒腸粉係另一味非常出色的食品。上次同食友們黎食蛇時試過，覺得味道略鹹，今次卻係味道恰到好處，腸粉夠滑夠實淨，配上幾重胡椒味的沙爹汁，真係好好味。鼓油雞比較瘦小，但皮下脂肪卻是不少，肉質都算滑同有雞味，不過鼓油香就唔多覺，普通而已。豆醬炒生菜係不過不失，生菜夠脆口，配麵鼓醬係剛好，都唔錯。
兩個女仔叫咁多野，當然飽到上心口，不過老友食得好開心，一個人包辦左半煲沙爹牛肉炒腸粉，真係服左佢！飯後兩人步行番機鐵站，以便消化一下。雖然香港同日本唔係距離太遠，但下次見面都唔知係幾時啦！
张贴