更多
2021-10-23
139 浏览
太耐冇去旅行真係好掛住日本,今次收工同朋友黎個北海道之旅😆去沙田食個📌北海道食堂既放題遠遠地就見到嗰個招牌,其實行去沙田廣場條路都有好多呢間鋪嘅廣告,啲相真係好吸引放題分左3類,主要都係價錢同食物種類選擇嘅分別,我哋揀咗中間:極上放題🔥🔥大家都見到,好多款式可以揀,特別一讚嘅係,佢個Menu真係好環保👍係刷完再寫,唔會好似其他餐廳咁,用好多紙,好浪費啊,未講食物之前,講吓個環境先:餐廳應用日本比較common既木色建築,場上都有日本嘅畫布同埋日本圖案嘅畫,仲掛左d燈籠,成個設計好有日本特色,令人好舒法,北海道我冇去過,不過令我諗起沖繩嘅居酒屋我哋主要分咗兩輪黎嗌,上菜速度算幾快,睇其他食評話呢間餐廳成日漏單,我又冇出現呢個問題喎!全部都上晒俾我,仲要幾快添。個牛肉湯烏冬,望落好似冇咩味,但食落好濃既豬骨湯底,唔會好鹹,放題嘅話,質素好OK。朋友最鍾意食嗰個帶子同魷魚,真係煮得好好味,係份量少左d,想食大份啲嘅寫多幾粒。基本上佢個鐵板分類都好OK,個人最鍾意係燒物同串燒😻😻串燒一嚟就好大碟,嗌咗燒雞翼,燒冬菇,燒雞肉串,牛舌,我仲Order左餃子😹好鍾意放題任嗌的感覺,個串燒燒同炸得好好
遠遠地就見到嗰個招牌,其實行去沙田廣場條路都有好多呢間鋪嘅廣告,啲相真係好吸引
放題分左3類,主要都係價錢同食物種類選擇嘅分別,我哋揀咗中間:極上放題🔥🔥大家都見到,好多款式可以揀,特別一讚嘅係,佢個Menu真係好環保👍係刷完再寫,唔會好似其他餐廳咁,用好多紙,好浪費
啊,未講食物之前,講吓個環境先:
餐廳應用日本比較common既木色建築,場上都有日本嘅畫布同埋日本圖案嘅畫,仲掛左d燈籠,成個設計好有日本特色,令人好舒法,北海道我冇去過,不過令我諗起沖繩嘅居酒屋
我哋主要分咗兩輪黎嗌,上菜速度算幾快,睇其他食評話呢間餐廳成日漏單,我又冇出現呢個問題喎!全部都上晒俾我,仲要幾快添。
個牛肉湯烏冬,望落好似冇咩味,但食落好濃既豬骨湯底,唔會好鹹,放題嘅話,質素好OK。朋友最鍾意食嗰個帶子同魷魚,真係煮得好好味,係份量少左d,想食大份啲嘅寫多幾粒。基本上佢個鐵板分類都好OK,個人最鍾意係燒物同串燒😻😻串燒一嚟就好大碟,嗌咗燒雞翼,燒冬菇,燒雞肉串,牛舌,我仲Order左餃子😹好鍾意放題任嗌的感覺,個串燒燒同炸得好好,冇咩點lone到,加埋雞肉串啲汁食到舔舔脷
第二輪嗌得比較少,因為其實本身都已經幾飽。首先,個炒野菜好掂,勁好味👍好有鑊氣👻我獨自食晒成碟,食吾停。左下係鵝肝,我朋友讚不絕口,我就唔食內臟嘅弱弱地!冬菇串燒實在太好味,所以嗌多輪encore😹壽司來講,加州反卷同北寄貝刺身不錯,其他正常,比較細舊,放題黎講正常😻😼
本身諗住嗌埋個hotpot,不過同朋友前幾日先打完邊路,唯有下次啦!!
呢度除咗有室溫飲品,仲有凍飲!左邊有個雪糕櫃,有唔同口味嘅雀巢雪糕同埋唔同口味嘅糯米糍可以拎拎咗糯米糍我嘅係咪matcha口味,朋友係黑芝麻口味😻由於已經飽到肚腩仔已經出咗嚟,所以冇食到雪糕了
全程職員都好有禮貌,收碟又快,接order上菜都快,見我哋唔食雪糕仲提我地有雪糕可以拎添欣賞佢地夠nice!!
兩個人盛惠590😺其實應該再食多啲,不過人大左,唔鍾意因為係放題就係咁食搞到肚好漲😹😹一人二百幾蚊食到咁高質素嘅放題,無論係環境定係食物質素定係職員嘅態度都非常之好,值得推介
张贴