意粉狂熱 (皇室堡) (已結業)

聖誕節就到，商場都有美麗的聖誕裝飾，今晚同囡囡去皇室堡影小馬寶莉，影完就到二樓嘅pastaholic 食晚飯。囡囡向來鍾意飲沙冰之類嘅凍飲，但係我嫌唔健康，天氣凍又唔想女女飲凍嘢，於是叫咗日本豆乳香蕉混合果昔，系紙包飲品，平時餐廳好少見 ，味道都幾啱小朋友。 小朋友鍾意食香口食物，我就點咗日本有機蕃薯條配蜜糖，蕃薯條香甜脆卜卜，配蜜糖色非常美味，忍唔住一條接一條，囡囡差唔多獨霸呢碟菜式。我哋仲叫咗意式薄切三文魚忌廉芝士卷，三文魚刺身新鮮，包著忌廉芝士，香濃美味。小朋友最後一定要食甜品，叫咗日本牛乳布甸，有牛奶香味，甜甜地，小朋友一定鍾意。我就揀咗意大利芝士餅，咖啡味同酒味均衡，味道幾正宗！