滿屋日本料理 (大鴻輝(荃灣)中心) (已結業)

工作左一星期，係時候要食好嘢奬勵一下自己，食放題就係最好嘅選擇，有得大食一餐，滿足自己個肚，仲可以滿足到自己嘅心情。喺荃灣最方便食放題嘅就梗係去滿屋，嘢食水準唔錯，上菜又快，選擇有多，次次同親朋友去食飯都會呢一度食。佢哋會即場有磯燒海鮮食，有個叔叔會不停將啲新鮮海鮮拎上來燒，呢條隊大排長龍,佢一講播大家就要衝出去拎架啦。嘢飲嘅選擇都幾多，呢度只不過係其中一個雪櫃，佢另外仲有好多種唔同嘅飲品，有汽水，果汁，仲有啤酒，另外仲有啲即調嘅飲品。食放題梗係要揀咗食刺身先，佢啲刺身好新鮮，同埋選擇都好多，可以放心食。芝麻雞翼一定唔少得，佢哋嘅芝麻雞翼做得好好味，食落去唔係急凍雞翼，咬落去勁香，呢一個每次都食反10幾廿隻先走人。另外仲有好多燒嘅嘢食，其實我幾鍾意食佢哋嗰啲消蠔同扇貝，佢哋加上啲沙律醬，真係勁好食。雪糕方面一定唔少得嘅就係Movenpick同haagen daz，Haagen-Dazs Chung出咗抹茶味，超好味，大家一定要試吓。