影片
更多
2019-12-12
23 浏览
由於女朋友當日無啦啦想食蟹,咁岩當日又同兩位朋友睇完戲行行下街見到喜記呢間食蟹專門店,就入左去睇下個餐牌。 見到做緊特價而且又真係有D肚餓,所以無多諗就坐低左,我地呢次叫左個四人精選套餐,當中包括有避風塘炒蟹,豉椒炒蜆,黃金蝦,醉鮑魚,炒時菜同一個避風糖炒河。 首先上枱既係醉鮑魚,食落都有少少酒味,但未聞到酒香,而已個人覺得鮑魚都係清蒸好食點,不過不失啦。 隨後既係黃金蝦,黃金蝦上枱時微暖,第一啖緊係試下佢個黃金外皮,一咬滿滿既咸蛋香味,蝦肉配埋咸蛋味都好夾,而且蝦肉新鮮爽口,相當唔錯。 豉椒炒蜆既味道鮮甜且有獲氣,但係食食下發現唔係隻隻殼都有蜆肉呢,不過我相信都係甩左出黎姐,我個人就喜歡再辣多少少。 之後終於到戲肉炒蟹啦,黎到既時候賣相已經好吸引,急不及待就拆左黎食,蟹肉飽滿和鮮甜,同辣炸蒜互相配合得天衣無逢,而且佢個炸蒜香到不得了..真係只係食蒜都夠食一碗飯,當時真係有少少想ENCORE多一隻(最後當然無)。 炒時菜就無咩特別,唔特意去寫了。但係個避風塘炒河又比到少少驚喜我,諗住都係普通干炒牛河之流,想不到佢炒出黎辣辣地,有獲氣又勁惹味,我都食左兩碗先停手。 總之最緊要緊係完成到女
見到做緊特價而且又真係有D肚餓,所以無多諗就坐低左,我地呢次叫左個四人精選套餐,當中包括有避風塘炒蟹,豉椒炒蜆,黃金蝦,醉鮑魚,炒時菜同一個避風糖炒河。
首先上枱既係醉鮑魚,食落都有少少酒味,但未聞到酒香,而已個人覺得鮑魚都係清蒸好食點,不過不失啦。
隨後既係黃金蝦,黃金蝦上枱時微暖,第一啖緊係試下佢個黃金外皮,一咬滿滿既咸蛋香味,蝦肉配埋咸蛋味都好夾,而且蝦肉新鮮爽口,相當唔錯。
豉椒炒蜆既味道鮮甜且有獲氣,但係食食下發現唔係隻隻殼都有蜆肉呢,不過我相信都係甩左出黎姐,我個人就喜歡再辣多少少。
之後終於到戲肉炒蟹啦,黎到既時候賣相已經好吸引,急不及待就拆左黎食,蟹肉飽滿和鮮甜,同辣炸蒜互相配合得天衣無逢,而且佢個炸蒜香到不得了..真係只係食蒜都夠食一碗飯,當時真係有少少想ENCORE多一隻(最後當然無)。
炒時菜就無咩特別,唔特意去寫了。但係個避風塘炒河又比到少少驚喜我,諗住都係普通干炒牛河之流,想不到佢炒出黎辣辣地,有獲氣又勁惹味,我都食左兩碗先停手。
總之最緊要緊係完成到女朋友想食蟹既要求先啦,而且味道同價錢都成正比,相信下次想食蟹既話都會再黎食過呢!
张贴
