大叔拉麵

营业中

休息中

假日一家人一齊到D2 睇戲， 之後我地見到呢到有間大叔拉麵，係門口裝下，見到幾有日本居酒屋 feel ，加上有卡位就入去座低食。🍜 廣島蠔赤地獄湯拉麵 ～ 呢個係期間限定的，我仲加左兩片日式炙熱豚肉， 廣島蠔脹卜卜鮮甜， 配上辣辣地的湯底成碗比我食哂。🍜 特盛濃厚雞白湯拉麵 ～ 媽咪話個湯濃郁好味，雞肉嫩見佢湯和麵都清哂就知ok。🍜 鹿兒島和牛紫菜牛骨湯拉麵 ～ 謙謙見到有和牛即叫，仲加左隻溏心蛋真識貨， 來到和牛大大片😍😍😍正，拉麵屬於幼麵， 每一口連湯一起配食好滋味。🍜 鹿兒島和牛紫菜牛骨湯拉麵+超特盛 ~ 公公呢碗冇得輸最豐富超特盛選左溏心蛋、醬油筍、木耳絲和青蔥， 鮮甜的牛骨湯，加上咁多唔同的配菜豐富到暈，公公好滿意。小食方面選擇唔多，不過味道可口，食拉麵驚唔夠飽絕對要叫 大板燒餃子🥟， 明太子雞翼 ， 鹽燒鯖魚，枝豆 。玄米茶用的茶具好靚，茶味很香， 仲有小朋友愛的波子汽水。