馬賽餐廳 (已結業)

早餐時間都有幾多街坊嚟呢間餐廳食早餐，今次食咗個香茅豬扒配檬粉豬扒份量大，煎到香味十足，而且肉質鬆軟，湯粉個湯底幾香甜好味，另外可以叫店員比一支魚露，落少少去個湯粉的湯底，令湯粉更加開胃好食。呢度嘅魚露，食得出係自家製，裏面嘅蒜頭同辣椒份量非常多，味道比超市買嘅普通魚露濃郁好多。整體來講，個香茅豬扒湯麵好味但跟餐配嘅咖啡，就一般啦，冇乜咖啡香濃嘅味道😅 但套餐只係$35 ，算係街坊價，豬扒嘅份量大而且湯底好食，所以性價比都唔錯。