港原味 (已搬遷) 新店位置

同朋友一齊喺大角咀覓食，想搵間地道好食嘅茶餐廳快脆搞掂，記得之前嚟過呢間有好多香港五、六、七、八十年代 特色圖畫嘅餐廳，印象中幾好味，咁就決定食過番尋味😆我哋叫咗幾樣食物😋：- $65嘅「香煎芙蓉蛋」：裏邊有火腿絲同埋少量叉燒，煎得好香口😋- $60嘅「豉汁蒸排骨」：排骨幾juicy；豆卜吸收咗蒸排骨啲汁，亦都幾好味😋- $49嘅「蒜蓉時蔬」：有好多種唔同嘅蔬菜可以揀，我哋揀咗「蒜蓉炒通菜」，簡單好食😋- 跟餐加特飲 $10嘅「雪山紅豆冰」：唔係好甜幾好飲😋- 跟餐包「熱檸水」呢啲小菜全部都包白飯、湯或者熱飲（可以加錢轉 其他飲品）；真係簡單快趣嘅一餐，朋友同我都幾滿足😆