我愛慢煮 (普慶坊) (已結業)

今日走訪另一食店在上環普慶坊18號地下，地點偏遠，穿梭樓梯，街道和斜坡才到達。環境寧靜近半山區，周邊是住宅和樓梯，食物質素唔錯，可惜座位是Bar 檯椅不太舒服，是一間有水準和抵食的小店。這店最出名慢煮和聞名已久，我想來品嚐慢煮牛肉，可惜店舖已轉了餐牌，我只好點其他慢煮食物，店員推介一款午餐是慢煮主菜薯條餐有主菜，沙律，黑松露蛋黃醬脆薯條連飲品，我選一個《慢煮牛板腱扒(平鐵)》和《1/4丹麥烤雞》，想一次試兩款不同味食。《慢煮牛板腱扒》肉質夠腍不太硬，我估有5 成熟，可惜不夠熱; 另一款《1/4丹麥烤雞》肉質嫩滑，香料特別連雞皮都夠入味，加上午餐包黑松露蛋黃醬脆薯條，可惜黑松露醬太少唔夠，但薯條香脆可口，食到停唔到口；特飲種類多連手工啤酒都有，適合一邊食薯條一邊飲啤酒特飲夠爽；最後，我至愛甜品《草莓醬比利是窩夫配意大利雪糕》，我最喜歡這款窩夫，因餅底香脆不會硬身而且蛋味香，再配搭意大利雪糕，簡直美味可口。總結，一間店有齊慢煮美食，加上小食: 香脆可口薯條，特飲，咖啡，朱古力，手工啤酒，窩夫甜品，一次有齊多款食物，可滿足不同人士的需要。