名館 (希慎廣場) (已結業)

昨晚嚟到希慎廣場12樓嘅名館食晚飯，成餐晚飯都食得好開心，除咗因為坐得舒服之外，所有食物賣相都好特別，好IG-able😍先嚟一壺長白山鮮人參雞湯，用茶壺盛載好精緻，人參味甘香，好飲補身。冷盤陳醋珊瑚海蜇頭，上枱嘅時候以乾冰製造咗騰雲駕霧嘅效果。名館厚切叉燒皇可以話係呢度嘅招牌，確實與別不同❤️叉燒厚切有質乾， 唔太肥但肉質非常嫩，鹹甜適中。酸菜魚用熱鍋上枱，全程keep住熱辣辣。用嘅魚係新鮮魚片，冇骨又夠滑。🍬🍬十三么又係必叫嘅甜品，麻雀其實係桂花椰汁糕，仲有兩張米紙做嘅美金，大家影咗好多相好開心。