吉壽日本料理 (已結業)

慶祝BABA生日，就去左吉壽食晚市放題，兩日前已經BOOK定枱，所以一入去就有位。晚市放題真係好多人，個場爆晒 ，好彩咁岩坐門口位，方便出出入入攞飲品。全晚食左好多野，選左部份食物作重點推介。埋位即刻點刺身~ 值得一贊係刺身好新鮮，點幾多黎幾多，唔似其他放題咁點勁多刺身，比得好少你。其中三文魚都算幾大塊，而希靈魚真係好爽口，成晚狂點。最值得推介係佢個人氣"北海道牛乳海鮮鍋"，個湯飲落去D牛乳味好濃，海鮮又好足料，超好味~真係一定要食呀!好少放題有炸菠蘿食，所以就一試，貌相不錯，食落去好Juicy，唔會整到D菠蘿乾晒，正!至於麻麻地的野食，就係日式海鮮翅，真係完全唔掂，成碗都好水。另炸豪炸到有D Loon，不過整體D食物都唔錯~可以再去!