影片
更多
2022-08-03
49 浏览
今日去咗廟街睇古董，雷雨漸迫，嗱嗱臨入咗一間中式飲茶小店，順便喺街外食埋晚飯先返屋企！呢間餐廳嘅好處係可以分別叫2粒蝦餃，2粒燒賣啱晒撐枱腳。蝦餃晶凝通透，外皮唔算太厚，食落帶汁！燒賣原隻蝦仁而上，貨真價實，而且價錢唔貴，老公仲都點咗一籠佢最愛嘅鮮竹牛肉球，份量好足，芫荽味好出眾，加入馬蹄嘅口感，令佢不停大讚好食！另外，亦都點左一啲比較濃味嘅點心，包括醬皇金錢肚、金沙脆皮銀蘿腸、豉汁蒸鳳爪。賣相非常討好，金錢肚爽口彈牙，醬汁唔會太濃，鳳爪好淋，小小辛口，更加惹味，而金沙脆皮銀蘿腸可以話係今日嘅MVP，皮薄餡脆，相當香口！最後當然唔少得叫返個籠仔金針雲耳雞飯，即叫即蒸，用上荷葉包住，清香吸引。而且餸菜嘅份量唔少，雞肉亦都好嫩。夜晚食返幾籠點心，茶位都只係$3 ，絕對係超值之選！
呢間餐廳嘅好處係可以分別叫2粒蝦餃，2粒燒賣啱晒撐枱腳。蝦餃晶凝通透，外皮唔算太厚，食落帶汁！燒賣原隻蝦仁而上，貨真價實，而且價錢唔貴，老公仲都點咗一籠佢最愛嘅鮮竹牛肉球，份量好足，芫荽味好出眾，加入馬蹄嘅口感，令佢不停大讚好食！
另外，亦都點左一啲比較濃味嘅點心，包括醬皇金錢肚、金沙脆皮銀蘿腸、豉汁蒸鳳爪。賣相非常討好，金錢肚爽口彈牙，醬汁唔會太濃，鳳爪好淋，小小辛口，更加惹味，而金沙脆皮銀蘿腸可以話係今日嘅MVP，皮薄餡脆，相當香口！
最後當然唔少得叫返個籠仔金針雲耳雞飯，即叫即蒸，用上荷葉包住，清香吸引。而且餸菜嘅份量唔少，雞肉亦都好嫩。
夜晚食返幾籠點心，茶位都只係$3 ，絕對係超值之選！
张贴
