大排檔小炒 (金豐商業大廈) (已結業)

朋友話畀我聽呢間湾仔大排檔啲小菜好味道， 今日約埋幾個老友去試下， 叫咗鐵板魚鰾， 避風塘茄子， 拔絲咕嚕肉， 炒粉絲， 花雕蛋白蒸肉蟹， 豉汁炒聖子， 清蒸游水方利， 簡直令人喜出望外， 靚女媽咪向來最抗拒魚鰾， 因為真係未食過啱我心水嘅好味嘅， 一食呢個鐵板魚鰾 就改觀咗， 師傅令到呢個魚鰾 咬落有口感但係又唔韌， 而且味道非常好， 仲有避風塘茄子， 真正做到外面脆卜卜裏面好滑， 真係衝動到即刻想encall🤩， 當晚所食嘅小菜全部都好有水準夠鑊氣， 價錢亦合理，推介大家值得要去試下👍