上海一品香菜館 (已結業)

同朋友喺附近游完水之後諗住周圍搵下嘢食，見到呢間上海菜館睇落好似好傳統咁，餐廳門口會見到位老師傅好用心喺度包小籠包，就入咗去食。估計呢間菜館應該開咗好多年，小籠包的確皮薄多汁，有老師傅操刀包嘅小籠包果然係有質素保證。不過食完小籠包之後惡夢就開始，本身叫咗一碟上海炒年糕同埋回鍋肉，點知上菜嘅時候黎錯咗碟上海粗炒，我要求換返正確嘅小菜，點知服務員佢唔肯同我換，就話都炒左俾你啦，一係你自己另外再加回鍋肉，咁我得兩個人邊食到咁多野就梗係唔制，經過一輪理論之後佢就死死地氣收返碟上海粗炒，然後等左成半個鐘先至有碟回鍋肉，仲要冇乜肉，而且非常鹹令人失望。