醉潮館

营业中

休息中

我一向都好鍾意食熱炒，愈香口既就愈鍾意😝今次就嚟依間已潮汕小食為主大嘅中菜館食晚餐。餐館入面裝修都好有中國風，有磚牆再加埋木枱木凳，食起飯黎都特別有風味。兩個人唔係食得好多嘢所以只係點左幾樣店員推介嘅菜式。頭盤有個火焰辣酒煮螺，店員上菜嗰陣仲會帶埋支燒酒點火，好香酒味。XO醬小炒王🌿炒得超香，韭菜好爽口，依個一定要叫碗白飯！亂棍打死豬百戒🐷其實即係豆角炒豬頸肉，不過炒得好出色，好有鑊氣，而且豬頸肉好好食。醉湖口水雞🐔佢同平時食有好多辣油既口水雞唔同，佢係用辣汁撈埋既，少左份麻香不過多左份清爽既感覺，我自己都幾鍾意。依度所有菜色份量都幾多，如果一班朋友黎叫多幾款菜就仲好喇！