赤山風味料理 (已結業)

還記得初初同男友拍拖果陣，好中意黎宜間日式餐廳食飯，貪佢又平又好味！入座之後，先點了飲品！熱柚子蜜甜度適中，岩哂我口味！蝦兵蟹蓋炸得金黃香脆，仲食到有蟹肉，非常惹味。炸天婦羅賣相吸引，炸漿皮好薄，入口唔太油。蝦肉結實，能食得出蝦肉既鮮味。牛油果鰻魚卷內裡卷著鰻魚同搞瓜，加上魚子、沙律醬&牛油果，令層次同口感都更豐富！牛油果甜熟度剛剛好，能食得出牛油果既果香！鰻魚手卷即叫即製，紫菜十分新鮮脆口。鰻魚肉質爽口彈牙，而且冇細骨，very good!黃金蝦卷其實主角係甜蝦，加上一層薄薄既粉漿去炸，多了一分香脆口感！鐵板帶子上檯時，牛油香味泗溢！帶子爽口，牛油味香濃！除左鐵板帶子，鐵板一口牛亦不俗！一口牛切成丁粒狀，啖啖肉！一啖入口，能夠食到牛肉既肉味，肉味濃且肉汁豐富，超有水準！