唐揚日式炸物小食店 (已結業)

聽網友講，呢度開左間賣炸野既小食舖。對於我呢炸物狂，點都唔會錯過既。無諗過佢地會開呢個位，可能近旺角一帶既租太貴啦。本來想食得意雞，但黎得呢度就試下個芝士餃子釀雞翼！芝士餃子釀雞翼都等左一個字到，不過都值得既。個雞翼既炸粉好薄，唔會好似其他炸物點既食物食到成啖炸粉。此外，個雞翼都算幾juicy。唔會炸到太乾，呢個係值得加粉既。而個芝士真係可以拉到幾長，成條芝士絲。美味真係在心頭。而個餃子餡都係普通既用料，不過食落同個雞翼都幾夾。另外，佢地都有沙律醬俾你點。其實唔落沙律醬都好食，落左都同個雞翼幾襯。呢個沙律醬同平時食開既有分別，係有小小鹹架。呢個雞翼都唔錯，不過二十蚊兩件就貴左小小。價格可以作調整既。而且呢度食雞翼都食到好狼狽，真係要用手食雞翼。慶幸既係，我覺得用手食雞翼先惹味。最後，希望可以有更多新炸物推出啦。