蟹仙華舫

营业中

休息中

上次食完蒸海鮮之後，非常回味，今次又約咗朋友來鯉魚門食蒸海鮮。我哋叫咗個尊貴海鮮套餐，海鮮餐非常之豐富，包括罕有藻食綠膏蟹、石斑塊、澳洲青年龍蝦、台灣九孔鮑魚、阿根廷大赤蝦、大西洋野生青口、白刀背、黃金翡翠螺、韓國釜山珍珠蠔、蔬菜籃及一個粥底。另外，我哋仲叫咗兩杯嘢飲、小食炸魚皮及椰汁燉燕窩。尊貴海鮮套餐海鮮都非常之新鮮，所以都非常之鮮甜美味，尤其是膏蟹同龍蝦，膏蟹啲綠色膏，聽侍應講，膏蟹有綠色嘅膏好少有，而且甘肥美，真係非常鮮味，蟹肉亦都很鮮甜；另外，龍蝦亦都很肥美，啖啖肉，彈牙爽口，而且非常之鮮甜；其他海鮮也很新鮮，而個個粥底，吸收晒海星鮮嘅精華，美味可口。椰汁燉燕窩椰汁燉燕窩唔會好甜，充滿椰汁嘅香味，成碗都好多燕窩，份量十足，非常好食。