影片
更多
2020-03-27
87 浏览
「燈籠滷味」係台灣好出名，但印象中偏偏又冇去過（我都諗唔起點解）。暫時冇得去旅行，佢來到銅鑼灣開店，唯有食左當去左。招牌當然係各種滷味，但其實似台式車仔麵，menu係要自選麵底，再選配料，另外仲有幾款小食，逐樣計錢（每人低消$30）。麵底當然選最台式的王子麵（即係台灣即食麵），配料就㨂豬耳、大腸、甜不辣同蘿蔔。先講配料，其實一入鋪已經見到各種滷味，當有order的時候就再放落滷水再略煮。豬耳、大腸同甜不辣都入味得來唔會鹹，滷水味道醇香，蘿蔔必點，除左入味，仲鮮甜冇渣又多汁。最驚喜係王子麵，索滿滷水汁，麵質又爽身，好食。4個餸加一個麵五十幾蚊，係銅鑼灣黎講都差不多了，分量都夠的。小食叫左台式香蒜腸（$26），仲以為係用蒜片夾住腸一齊食，原來係蒜味香腸，有少少失望，但都好食嘅。飲品叫左有點特別的紅茶豆漿（$22），兩樣溝埋一齊有點似台式奶茶，唔甜，可以一試。香港比較少專賣台式滷味的店，而佢又以車仔麵去包裝，應該都啱港人口味，價錢都可接受，相信疫情過後人龍又會再現。
暫時冇得去旅行，佢來到銅鑼灣開店，唯有食左當去左。
招牌當然係各種滷味，但其實似台式車仔麵，menu係要自選麵底，再選配料，另外仲有幾款小食，逐樣計錢（每人低消$30）。麵底當然選最台式的王子麵（即係台灣即食麵），配料就㨂豬耳、大腸、甜不辣同蘿蔔。
先講配料，其實一入鋪已經見到各種滷味，當有order的時候就再放落滷水再略煮。豬耳、大腸同甜不辣都入味得來唔會鹹，滷水味道醇香，蘿蔔必點，除左入味，仲鮮甜冇渣又多汁。最驚喜係王子麵，索滿滷水汁，麵質又爽身，好食。4個餸加一個麵五十幾蚊，係銅鑼灣黎講都差不多了，分量都夠的。
小食叫左台式香蒜腸（$26），仲以為係用蒜片夾住腸一齊食，原來係蒜味香腸，有少少失望，但都好食嘅。
飲品叫左有點特別的紅茶豆漿（$22），兩樣溝埋一齊有點似台式奶茶，唔甜，可以一試。
香港比較少專賣台式滷味的店，而佢又以車仔麵去包裝，應該都啱港人口味，價錢都可接受，相信疫情過後人龍又會再現。
张贴
