湯•米 (已結業)

好耐冇喺Openrice寫食評，今次專登download個app來寫食評，因為今次用餐非常愉快。Book左位準時到達入座，朋友因為搵唔到遲左，幸好餐廳人少，否則都唔好意思霸左個位。有多款火鍋，選擇困難之下揀左咖哩奶蓋同沙茶牛肉鍋。材料豐富，有多片牛肉，蔬菜類亦多，個湯底好濃，唔使另外加醬料都得。食到最後加埋粉絲落鍋，吸晒湯汁，超正，但又好邪惡喎！飲品叫左芝士金鳳茶王，第一次飲芝士奶蓋，芝士味好濃，同個茶好夾，好味！同朋友傾計到接近收鋪，都冇被催走，有D唔好意思，如果人多一定唔會坐咁耐。店裡各人服務都好nice，有家庭式感覺，會介紹朋友，下次必定再來。喺度book位仲有折，扺食！餐廳位置較偏，人流少，如果唔係呢度search到都唔知添。