小神燈新派飯館 (已結業)

喜歡食中菜的家人，說想食呢間小神燈新派菜館，我當然要配合啦，即時book埋位待晚上食。好在book左位，進入時已爆曬場☺️。首先點左個例湯，青紅蘿蔔🥕雞腳豬肉湯，湯煲得很夠火候，味道濃郁，放在暖水壺內，唔使怕凍左可以慢慢飲。開胃前菜～椒麻鮮螺片，椒麻味剛好唔會過辣，螺片很爽彈。奇脆脆皮豬手，炸得皮脆到似食緊燒肉咁，肉質不會乾身中間帶些軟筋，美味可口。蟹肉菠菜豆腐盒🦀，豆腐是玉子豆腐，炸後在上鋪了蟹肉同茨汁，加上蟹籽好有口感。上湯香蒜時蔬，菜心翠綠夠正氣，沒有多餘的油份很健康。