養心殿台式養生鍋 (已結業)

之前食過旺角嘅養心殿，見到天氣又凍，荃灣有開咗間新嘅，就同朋友去試下，裝修風格同旺角嘅一樣，古色古香，有feel！叫咗薑母鴨鍋同埋美人鍋，個鍋嚟到未滾都已經流曬口水。可惜鴨嘅份量唔夠上次喺旺角店食咁多，所以我哋食食下加咗半隻鴨，鴨夠肥又入味，仲好嫩。美人鍋飲落口超舒服，加埋之後落咗啲海鮮，鮮味濃郁！叫咗一份蝦同四隻蟶子，啲蝦勁新鮮勁大隻，嚟到嘅時候仲識得郁，朋友勁驚。蟶子超大隻好鮮甜。蝦滑同墨魚滑都係必點， 新鮮彈牙其實韭菜餃都ok，可惜個皮溶溶地粟米好大份雜菌亦都新鮮仲有叫薯粉吸埋啲湯一流估唔到佢送嘅雪糕又幾好食！