影片
更多
2018-11-02
272 浏览
上次食完之後一直念念不忘今日咁岩係銅鑼灣睇完7點場都已經9點，唔知食咩好見到呢到做緊宵夜套餐又好似好抵食咁即刻頭也不回狗衝左入去==============================呢個就係抵食夾大件既宵夜大滿足套餐有前菜、鍋物、燒物、食事、刺身、甜品足足六樣野每樣都有幾款揀真係花多眼亂仲要二人都只係$398真係抵到爛仲有$250既120分鐘任飲放題D酒仲要唔係藍妹呢D頹野可惜今次唔係同班兄弟黎唔係一定同佢飲盡佢本家薯仔沙律沙律菜幾新鮮咬落去好爽口加埋蟹柳鮮味十足薯仔可以配紅色呢塊我相信係番薯片口感會好得意而且好香薯味薯仔雖然幾好味，但雪得硬左少少如再壓一壓佢先上台可能會好Ｄ雞丸野菜豆腐鍋天寒地凍梗係要整返個暖笠笠既鍋啦極力推薦必定絕對要食佢既雞丸唔好以為雞丸呢Ｄ普通野上唔到大台，或者唔會有咩特別我可以話比你聽呢到既雞丸絕到比到驚喜你一咬落口已經食到香濃既雞味散發出黎爽口，又彈牙而且最特別係入面應該落左雞軟骨令到口感多左種層次真係唔會估到竟然雞丸都可以做到咁有驚喜鹽燒鯖魚燒得好靚既鯖魚見到外皮燒到微脆同保持到魚肉鮮嫩美味最鍾意佢好有心思地起左魚骨除左近魚頭位置之外都係冇骨令我呢Ｄ
今日咁岩係銅鑼灣睇完7點場都已經9點，唔知食咩好
見到呢到做緊宵夜套餐
又好似好抵食咁
即刻頭也不回狗衝左入去
==============================
呢個就係抵食夾大件既宵夜大滿足套餐有前菜、鍋物、燒物、食事、刺身、甜品
足足六樣野
每樣都有幾款揀
真係花多眼亂
仲要二人都只係$398
真係抵到爛
仲有$250既120分鐘任飲放題D酒仲要唔係藍妹呢D頹野
可惜今次唔係同班兄弟黎
唔係一定同佢飲盡佢
本家薯仔沙律
沙律菜幾新鮮
咬落去好爽口
加埋蟹柳鮮味十足
薯仔可以配紅色呢塊我相信係番薯片
口感會好得意而且好香薯味
薯仔雖然幾好味，但雪得硬左少少
如再壓一壓佢先上台可能會好Ｄ
雞丸野菜豆腐鍋天寒地凍梗係要整返個暖笠笠既鍋啦
極力推薦必定絕對要食佢既雞丸唔好以為雞丸呢Ｄ普通野上唔到大台，或者唔會有咩特別
我可以話比你聽呢到既雞丸絕到比到驚喜你
一咬落口已經食到香濃既雞味散發出黎
爽口，又彈牙
而且最特別係入面應該落左雞軟骨
令到口感多左種層次
真係唔會估到竟然雞丸都可以做到咁有驚喜
鹽燒鯖魚燒得好靚既鯖魚
見到外皮燒到微脆
同保持到魚肉鮮嫩美味
最鍾意佢好有心思地起左魚骨
除左近魚頭位置之外都係冇骨
令我呢Ｄ唔擅長食魚既都唔怕
真係非常有心思
秋刀魚刺身食日本野又點可以冇刺身呢
呢個秋刀魚刺身真係一定要試
時值深秋
就係秋刀魚最美味既時候
呢個時候既秋刀魚一身肥美既魚油
刺身入口滑膩，細嚼之下魚脂香會係口入面散發，肉質綿軟細膩
除左配薑茸葱花呢個秋刀魚既好朋友之外
仲可以用紫菜卷埋黎食
多一種爽脆既口感
別有一番滋味
高菜蟹膏蟹肉炒飯用熱辣辣既鐵板上
未食已經聞到陣陣香氣
食落就發現蟹膏同蟹肉既鮮味同飯完全結合
瘋狂衝擊你既味蕾
如飯再乾身Ｄ會更好
綠茶雪糕、紅豆雪糕都真係幾有驚喜既雪糕
口感比一般雪糕幼滑，而且味道清香
強烈建議各位好似我咁叫綠茶同紅豆
因為佢兩個真係好好朋友
兩個撈埋一齊食之後味道簡直係昇華
綠茶既清香同紅豆既香甜互相中和
簡直一絕
张贴
