個地方唔太難搵,好快就搵到。一坐底,阿姐就推介食五香卷,所以要咗一條,味道真係唔錯,外皮好脆,裡面包既係豬肉,好夠味,真係無介紹錯
之後我哋叫咗2碗麵,豬雜沙茶麵 - 呢個湯味道夠濃,D豬潤唔嚡,D豬腰,肚,腸都好好味,夠冧。另一個麵係鯊魚羹肉燕餃麵線,D麵好滑,個湯都好甜,原來鯊魚羹唔係個湯,係粒好似魚旦咁既丸。
同一碟芋盒,芋盒個皮好脆,味道唔錯,但係如果係咸的話可能仲好
阿姐仲係咁推介我哋食土荀凍,最初怕食唔晒,後來有個男人都係咁推介,所以叫咗2件試下
個賣相好靚,咬落去好爽,但味道有D惺,睇清楚,好似一條條既蟲,問清楚,原來係沙蟲
下次食之前都係問清係乜先
