娘惹廚房

小弟係第一次寫食評既，大家多多包容
是咁的，平日番工得星期日先得閒約朋友出去食好野，但發現想食50-100蚊既餐，多數都係日本野，所以就上openrice睇到有咩其他可以選擇，比我發現左哩間，同大家一校，上網睇係星馬菜，其實係印尼菜。
星期日中午1點，去到唔洗等位就有得坐
個侍應話星期日要食套餐或散叫，咁我就叫左個2人a餐加散叫串燒，份量好夠兩個人食既，每人約一百蚊走人
環境舒適，服務態度好，值得去食多次！

第一次聽過加多加多同第一次食，醬汁少辣，對於唔多食得辣既我黎講，相當唔錯，又開胃。唔錯

雙拼牛雞串，個沙爹醬好惹味，辣過之前個加多加多，但仲有d甜味，頂得順

1

老闆娘話要先落青檸汁，豬頸肉要同生菜一齊食，可能係香港人打得太多邊爐，通常碟底塊菜都唔會食，唔衛生或用作墊底墊油。食落除左肉感仲有先菜既爽口，加上青檸汁既酸同本身既辣醬，好味。份量適中

侍應話飲湯前要落左青檸汁先，咁照跟啦，好飲既。好足料，又香