九井水産 (已結業)

之前見到朋友係九井打咭, 食左個豐富晚餐, 佢話個晚餐質素都唔錯, 咁我今日就食下食佢嗰個午市定食先, 之前留意到佢個餐牌就係由68蚊起, 個價錢都唔錯, 入去見到個環境都非常之靚, 日式裝橫, 零舍不同, 餐牌見到鯖魚定食就由68蚊我就叫左蟹肉溫泉蛋大蝦天婦羅烏冬再配壽司, 都係98蚊啫大概等多十至十五分鐘個餐就嚟到喇喎, 好大呀份量, 真係驚一陣食唔曬㖭!先食個大蝦天婦羅先, 因為怕凍咗就唔好食嘅, 咬落去非常之脆口, 金黃色嘅天婦羅炸得非常之靚, 蝦肉嘅結實同再加埋炸漿混合, 一個微妙既化學作用, 口感唔錯然後就食兩件壽司, 壽司個賣相都唔錯, 魚生都幾新鮮壽司, 飯量唔算太大, 唔啱啱好重頭戲就係蟹肉溫泉蛋配烏冬, 個溫泉蛋非常之大, 我唔捨得將個蛋漿打開, 我首先食咗蟹肉先, 清甜無比, 再飲啲湯, 夠熱得黎又清甜之後再食啲烏冬, 非常之煙靭 ,口感不錯, 最後我就唔捨得人心將個溫泉蛋打開, 蛋漿非常之濃, 浸落啲湯度漫慢變成蛋白, 蛋白滑嫩嫩, 口感幾好, 蛋黃味好濃