影片
更多
2020-08-03
126 浏览
我雖然去過印度旅行，但係自問唔識分印度菜正宗與否，只識得分好味或唔好味嘅印度菜😆，今日午飯時間喺大坑，記得有朋友介紹過呢間小餐廳，咁即刻行去試吓。佢有午市套餐，我揀咗咖喱羊，而咖喱羊都有分兩種：madras或masala。呢間據說係北印度菜餐廳，以我有限知識，madras係源自印度南邊，而masala源自北印，咁我就揀咗Masala。午餐$65仲包括naan, 湯，同埋一罐汽水，我今日好肚餓，所以另外再加咗一個「印式椰汁咖喱牛」，要嚟個大滿足。等咗一陣食物就嚟到。咖喱羊嘅masala咖喱汁味道錯綜複雜，裏面應該有薑、蒜頭、洋蔥、蕃茄、同埋好多種乾香草，絕對係印度咖喱風味，非常好吃；羊肉炆得好軟熟，一啲都唔羶，有濃郁羊肉味，正。咖喱牛嘅味道都一樣出色，而且仲加咗椰奶，好香好濃厚。相片中有白色椰奶嘅就係牛肉。兩種咖喱都唔算好辣，配naan來吃真係非常美味。咁亦要講下個naan, 係原味naan, 有兩大片，掛咗喺個架上邊先上枱，賣相有氣勢😆，嚟嘅時候熱辣辣，外脆內軟，食落好煙韌，讚👍呢間舖頭細細哋，但係坐得幾舒服，服務亦都幾好，食到一半嘅時候，印度姐姐仲問我味道如何，我話好好味😋
佢有午市套餐，我揀咗咖喱羊，而咖喱羊都有分兩種：madras或masala。呢間據說係北印度菜餐廳，以我有限知識，madras係源自印度南邊，而masala源自北印，咁我就揀咗Masala。午餐$65仲包括naan, 湯，同埋一罐汽水，
我今日好肚餓，所以另外再加咗一個「印式椰汁咖喱牛」，要嚟個大滿足。
等咗一陣食物就嚟到。咖喱羊嘅masala咖喱汁味道錯綜複雜，裏面應該有薑、蒜頭、洋蔥、蕃茄、同埋好多種乾香草，絕對係印度咖喱風味，非常好吃；羊肉炆得好軟熟，一啲都唔羶，有濃郁羊肉味，正。
咖喱牛嘅味道都一樣出色，而且仲加咗椰奶，好香好濃厚。相片中有白色椰奶嘅就係牛肉。兩種咖喱都唔算好辣，配naan來吃真係非常美味。
咁亦要講下個naan, 係原味naan, 有兩大片，掛咗喺個架上邊先上枱，賣相有氣勢😆，嚟嘅時候熱辣辣，外脆內軟，食落好煙韌，讚👍
呢間舖頭細細哋，但係坐得幾舒服，服務亦都幾好，食到一半嘅時候，印度姐姐仲問我味道如何，我話好好味😋
张贴
