影片
更多
2014-08-15
6533 浏览
Auntie們非常愛錫XO仔，好多時都會專登落黎灣仔請細姪仔食飯 。上個月尾，家住九龍o既Auntie M真係好有心，話好耐冇見細佬，所以就約埋兩位好友Auntie J同Auntie R，誠邀XO仔同哥哥去公司附近o既「阿里朗韓國餐廳」食韓式燒烤。位於W Square三樓o既「阿里朗」，地點其實好方便，最適合喺灣仔工作o既人士，不過可能大家都怕食完會成身一陣味，返回寫字樓會變得尷尬，下午一點鐘餐廳仲有好多位 。「阿里朗」地方好闊落，近窗o既散座全為二至四人o既皮櫈卡位，光猛舒適得黎好有私人空間，不過人多就要坐店中央o既散座，咁就未必有皮櫈坐。意料之外，餐廳除咗望落去乾淨企理，其抽氣亦做得好好，進食前後，餐廳室內及小肥身上o既油煙味一啲都唔過份，感覺衛生 。可能因為人客不多，為我地落單、上菜、加茶等o既服務生最少有三位 。佢地不但盡責有禮，而且好留心食客o既需要，會不時換碟，燒到咁上下又會提醒我地食物已經夠熟，自動換燒烤爐，好體貼！食到中途，Auntie倒瀉熱茶，侍應們反應都算快，立刻為客人更換餐具，進行清理，毫無怨言或黑面，態度良好，值得一讚 ！Auntie們深知小肥兩兄弟乃
位於W Square三樓o既「阿里朗」，地點其實好方便，最適合喺灣仔工作o既人士，不過可能大家都怕食完會成身一陣味，返回寫字樓會變得尷尬，下午一點鐘餐廳仲有好多位 。「阿里朗」地方好闊落，近窗o既散座全為二至四人o既皮櫈卡位，光猛舒適得黎好有私人空間，不過人多就要坐店中央o既散座，咁就未必有皮櫈坐。意料之外，餐廳除咗望落去乾淨企理，其抽氣亦做得好好，進食前後，餐廳室內及小肥身上o既油煙味一啲都唔過份，感覺衛生 。
可能因為人客不多，為我地落單、上菜、加茶等o既服務生最少有三位 。佢地不但盡責有禮，而且好留心食客o既需要，會不時換碟，燒到咁上下又會提醒我地食物已經夠熟，自動換燒烤爐，好體貼！食到中途，Auntie倒瀉熱茶，侍應們反應都算快，立刻為客人更換餐具，進行清理，毫無怨言或黑面，態度良好，值得一讚 ！
Auntie們深知小肥兩兄弟乃牛魔王，故當日放棄點選午市套餐，並主攻三款牛肉美食。我地五個人，叫咗五碟燒物，每碟均包有一碗白飯、熱湯及無限添加o既韓式小碟。
韓式小碟：隨燒物送上o既韓式小碟有六款，全為醃製過o既蔬菜冷盤。個人喜好問題，只係食咗三款 ，芽菜、菠菜及泡菜，均屬爽脆、鮮嫩、野味，泡菜更加係醒神又醒胃，食完可以再添，正呀！
生牛肉Yookhwe（$180）：醃過o既生牛肉面有隻生蛋，被雪梨圍住，服務生會喺食客面前將三種食材溝勻。攪製好o既生牛肉質感軟滑，蒜味香濃，加上爽甜o既雪梨，口感非常豐富，清新美味！不過以每碟$180，個人覺得份量應該要多返少少。
牛脷Yahngnyum Hyuhgooi（$140）：牛脷切得好夠薄，加上面層塗滿醬汁，燒起上黎好容易過熟，入口會變得硬同韌，大家要加陪留意。如果控制得好，薄片o既牛脷可以煮得好香脆，同個甜甜o既醬汁好夾。
牛助骨 Wahng Gahlbi（$330）：每客牛助骨有兩條，姐姐仔會剪成細細件，方便客人燒烤。牛助骨質高，食客無須煮到十成熟都可以食用；嘻嘻，小肥連生牛肉都夠擔食，燒牛助骨當然唔會燒得過五成啦 ！牛助骨肉質鬆軟香滑，肉汁豐厚，燒烤醬味道帶甜，食落一啲都唔覺油膩，成功賺取我地五個like ！
「阿里朗韓國餐廳」地點就腳，間隔開揚，冷氣夠，抽氣足，舒適衛生，而且服務佳，食物優質美味，絕對值得一再幫襯，不過下次約埋同事去時，必定要試埋較為抵食o既午市套餐再作比較。
张贴
