牛屋 (已結業)

之前同事介紹呢間小店，話幾好食，可以一試，於是今日 lunch time 就行過去試食🤗牛屋門面好日本感覺，再加上周圍環境較靜，仲更加似日本小村落的一間小食店。小店經營，舖仔細細，只有一位廚師及一位店員，食物的選擇唔算多，置在集中，容易處理，及不需要客人等太久。我選擇了~紅酒燉牛舌便當。厚切牛舌好好食，好淋無根，非常容易入口，紅酒汁同牛舌非常之夾，還有幾舊紅蘿蔔都好好食，成碟飯連汁食哂😋還有兩小碟~大白菜芋絲及玉子鳴門卷，仲有紙包飲品，呢個🍱$45都好抵食。