安南 (又一城) (已結業)

對上一次食安南已經係疫情之前，今日過黎溜冰緊係再黎食，星期六夜晚7點黎到，餐廳都幾乎坐滿只淨兩張枱，經理安排入座相當迅速，兩大一細總共點左5樣野，先黎炸軟殼蟹柚子沙律同牛油雞翼，沙律新鮮分量足，軟殼蟹炸得好香口，沙律汁好味。牛油雞翼就一般，無乜牛油香，面頭炸蒜出色。跟著再黎蕃茄燉牛腩跟法包，牛腩好淋好入味，湯汁好濃，好似飲緊羅宋湯，點法包食停唔到口，其他鹹魚炒芥蘭苗和炸蝦餅撈檬，就正常好味，無乜好講。要讚下餐廳服務態度非常好，上至經理，下至執枱，全部都好有善，樂於幫忙，食品出色，抵你哋爆場，繼續努力💪