鴻啤啤串燒 (已結業)

今日收工之後，我嘅好朋友約咗我去食一間我期待咗好耐嘅餐廳，就係呢一間鴻啤啤串燒！本身我自己都好鍾意食串燒，所以朋友約我去食嘅話我更加滿心期待！一去到呢間餐廳嘅時候見到餐廳位置唔算好多，不過好彩啱啱好唔使等位✌🏻✌🏻入到去嘅時候見到餐牌仲有好多唔同嘅種類串燒！無論海鮮，肉類，蔬菜類都有好多唔同嘅選擇！我自己今次最有驚喜嘅就係呢一個錫紙花甲❤️❤️本身係一個海鮮愛好者，對於呢個花甲真係俾咗一個好高嘅評價！首先同埋呢個花甲嘅份量好多，絕對係兩個人一定夠食！而且最最最重要嘅就係呢一個花甲超級鮮甜，而且一啲沙都冇！非常乾淨！四個口嘅時候啖啖肉，而且仲係食得到呢個花甲嘅鮮甜味👍🏻👍🏻