彩薈軒 (238中心)

营业中

休息中

屋企人最鍾意食中菜所以就帶咗佢哋嚟到位於佐敦「彩薈軒」酒樓食飯。踏入酒樓環境寬躺，裝修得好靚好光猛。餐牌上面亦都有好多優惠小菜，樣樣都好想試😋上湯開邊焗龍蝦龍蝦有手掌般大隻，賣相已經好吸引，龍蝦炸過所以面頭特別香口，蝦肉好爽口好鮮甜入味，啖啖肉，蝦頭亦都帶點蟹膏，食得好滋味，龍蝦汁淋上白飯食一流😋清蒸生猛龍躉斑龍躉上枱時熱辣辣，感覺好生猛，薑蔥味清香，簡單用薑蔥去蒸已經帶出鮮味，魚肉好鮮嫩幼滑。瑤柱鮮茄浸白菜🥬湯底加入了瑤柱肉所以特別鮮甜，蕃茄酸酸地好開胃，白菜煮得好淋好好食，每人飲咗一大碗。碧綠炒珊瑚海螺片顏色七彩繽紛，炒得好有鑊氣，調味適中，珊瑚蚌及海螺片切得好薄好爽口，口感豐富。