小籠家族 (已結業)

今日同朋友食飯，見到一間餐廳裝修古色古香，一於試下！回鍋肉炒年糕$78炒得好惹味，回鍋肉幾嫩，肥而不膩，年糕質感正，醬汁好好味，甜中帶辣，辣度啱啱好，食到停唔到口😍😍京蔥牛柳絲撈麵$48配左一碗清湯，可以一麵兩食！牛柳絲份量好足，麵質幾爽，配埋京蔥食，唔錯！家族小籠包4件$36一定要叫，仲要趁熱食😋😋湯汁幾濃味，幾好飲，肉一d都唔騷，可以食多一籠！我覺得真係皮薄餡靚🥰🥰炸銀絲卷一條$25炸得金黃，好誘人，食落外脆內軟，好香口，正！😋呢度嘅食物選擇豐富，價錢合理，質素有保證，同朋友或者同屋企人聚餐都非常適合，值得推介！